ಮಿರಾತ್ ರಿಯಲ್ ಎಸ್ಟೇಟ್ ನಿಂದ ದುಬೈಯ ಹಿಲ್ಟನ್ ನಲ್ಲಿ ವಿಜೃಂಭಣೆಯ ವಾರ್ಷಿಕೋತ್ಸವ

ಫೆಬ್ರವರಿ 24 ನೇ ಶನಿವಾರ ಸಂಜೆ ದುಬೈ ಹಬ್ತೂರ್ ಸಿಟಿಯ ಪಂಚತಾರಾ ಹೋಟೆಲ್ ಹಿಲ್ಟನ್ ನಲ್ಲಿ ಮಿರಾತ್ ರಿಯಲ್ ಎಸ್ಟೇಟ್ಸ್ ತನ್ನ 2024ರ ವಾರ್ಷಿಕೋತ್ಸವವನ್ನು ವಿಜೃಂಭಣೆಯಿಂದ ಆಚರಿಸಿತು.

ಅಬ್ದುಲ್ಲ ಅಹಮದ್ ಶಿಝಾವಿ ಯವರು ಮುಖ್ಯ ಅತಿಥಿಯಾಗಿ ಭಾಗವಹಿಸಿ ಕಾರ್ಯಕ್ರಮಕ್ಕೆ ಮೆರುಗು ನೀಡಿದರು. ಸಭೆಯನ್ನು ಉದ್ದೇಶಿಸಿ ಮಾತನಾಡಿದ ಅವರು ಕಳೆದ ದಶಕಕ್ಕೂ ಅಧಿಕ ವರ್ಷಗಳಿಂದ ಮಿರಾತ್ ಸಂಸ್ಥೆ ಮಾಡಿದ ಸಾಧನೆ , ಗುಣಮಟ್ಟದ ಸೇವೆ ಹಾಗೂ ಕಾರ್ಯ ಶೈಲಿಯನ್ನು ಕೊಂಡಾಡಿದರು.

ಮುಂದಿನ ವರ್ಷಗಳಲ್ಲಿ ದುಬೈ ರಿಯಲ್ ಎಸ್ಟೇಟ್ ಕ್ಷೇತ್ರದಲ್ಲಿ ಮಿರಾತ್ ಉತ್ತಮ ಪ್ರಗತಿಯನ್ನು ಸಾಧಿಸಲಿ ಎಂದು ಶುಭ ಹಾರೈಸಿದರು.

ಕಾರ್ಯಕ್ರಮದಲ್ಲಿ ಸಂಸ್ಥೆಯ ಉದ್ಯೋಗಿಗಳಾದ ಮುಸ್ತಫಾರನ್ನು 2023ರ Best Performer,  ಶರೀಫ್ ಮೊಹಿದಿನ್ ರನ್ನು ರೈಸಿಂಗ್ ಸ್ಟಾರ್ ,  ರಿಜ್ವಾನ್ ರನ್ನು ಸಿನ್ಸಿಯರ್ ಎಂಪ್ಲಾಯಿ , ಆದಿಲ್ ರನ್ನು ಎಂಪ್ಲಾಯಿ ಆಫ್ ದಿ ಇಯರ್ ಹಾಗೂ ಮುಸ್ತಫ ಇಬ್ರಾಹಿಂ ರನ್ನು ಔಟ್ ಸ್ಟ್ಯಾಂಡಿಂಗ್ ಫೀಡ್ಬ್ಯಾಕ್ ಪ್ರಶಸ್ತಿಗಳನ್ನು ನೀಡಿ ಗೌರವಿಸಲಾಯಿತು.

ಮಿರಾತ್ ರಿಯಲ್ ಎಸ್ಟೇಟ್ ನ ಚೇರ್ಮನ್  ಸಾಧಿಕ್ ಅಲಿ ಯವರು ಸಭೆಯನ್ನು ಉದ್ದೇಶಿಸಿ ಮಾತನಾಡಿ ತಾನು ಈ ಕ್ಷೇತ್ರದಲ್ಲಿ ಕಳೆದ 20 ವರ್ಷಗಳಲ್ಲಿ ಬೆಳೆದು ಬಂದ ವಿವರವನ್ನು ನೀಡಿದರು.
ಇಲ್ಲಿನ ಆಡಳಿತ ವ್ಯವಸ್ಥೆಯು ನೀಡುತ್ತಿರುವ ಗುಣಮಟ್ಟದ ಜೀವನ ಉತ್ತಮ ಶಿಕ್ಷಣ ನೀತಿ ಆರೋಗ್ಯ ಕ್ಷೇತ್ರಕ್ಕೆ ನೀಡುವ ಪ್ರಾಮುಖ್ಯತೆ ಮತ್ತು ಭದ್ರತೆ ಹಾಗೂ ಸುರಕ್ಷತೆ ನೀತಿ ನಿಯಮಗಳು ಇಡೀ ಲೋಕದ ಗಮನ ಸೆಳೆಯುವಂತೆ ಮಾಡಿದೆ ಎಂದು ಹೇಳಿದರು.

ಸುಮಾರು 200 ದೇಶಗಳ ನಾಗರಿಕರು ದುಬೈ ರಿಯಲ್ ಎಸ್ಟೇಟ್ ಕ್ಷೇತ್ರದಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. 

ಮಿರಾತ್ ಸಂಸ್ಥೆಯು ಪ್ರಮುಖ ಮಾಸ್ಟರ್ ಡೆವೆಲಪರ್ಸ್ ಇಮಾರ್, ನಖಿಲ್, ಅಲ್ದಾರ್, ಮಿರಾಸ್, ದಮಾಕ್ , ಶೋಭಾ ಹಾಗೂ ಎಲ್ಲಾ ಪ್ರವೇಟ್ ಡೆವಲಪರ್ ಗಳೋಂದಿಗೂ ಸಹಭಾಗಿತ್ವವನ್ನು ಹೊಂದಿದೆ.

ನಮ್ಮ ಸಂಸ್ಥೆಯು ಉತ್ತಮ ಹಾಗೂ ಮಾಹಿತಿಯುಕ್ತ ತಂಡವನ್ನು ಹೊಂದಿದ್ದು ತಾವು ರಿಯಲ್ ಎಸ್ಟೇಟ್ ನಲ್ಲಿ ಹೂಡಿಕೆ , ಆಸ್ತಿ ಖರೀದಿ ಮತ್ತು ಮಾರಾಟಕ್ಕೆ  ಸಂಬಂಧಪಟ್ಟ ಕ್ಷೇತ್ರದ ಎಲ್ಲಾ ವಿವರಗಳು ಹಾಗೂ ಸಲಹೆಗಳಿಗೆ ನಮ್ಮ ಸಂಸ್ಥೆಯನ್ನು ಸಂಪರ್ಕಿಸಲು ಕೋರಿದರು.

ಈ ಕಾರ್ಯಕ್ರಮದಲ್ಲಿ ಬಿನ್  ದರ್ವಿಶ್ ಜನರಲ್ ಕಾಂಟ್ರಾಕ್ಟ್ ನ ಮ್ಯಾನೇಜಿಂಗ್ ಡೈರೆಕ್ಟರ್ ಮೊಹಮ್ಮದ್ ಇಬ್ರಾಹಿಂ , ಅಲಿಫ್ ಸೇಫ್ಟಿ ಇಕ್ವಿಪ್ಮೆಂಟ್ ಸರ್ವಿಸಸ್ ನ ಡೈರೆಕ್ಟರ್ ಇಲಿಯಾಸ್ ಉಮರ್ ಹಾಗೂ ಸ್ಟಾರ್ ಲೈನ್ ಎಲೆಕ್ಟ್ರಿಕಲ್ ಅಂಡ್ ಸ್ವಿಚ್ ಗೇರ್ ಮ್ಯಾನುಫ್ಯಾಕ್ಚರ್ ನ ಮಾಲೀಕರಾದ ಮುಸ್ತಾಕ್ ಅಹಮದ್ ಅತಿಥಿಗಳಾಗಿ ಭಾಗವಹಿಸಿದ್ದರು.